Атыстан кейін 900-ге жуық адам Париж Құдай анасының соборында қамалды

Собордағы адамдарға отырсын деген өтініш айтылған. Полиция қызметкерлері қаланың көрікті жерлерінің бірінде күзетшіге шабуыл жасамақ болған адамның серіктесі келушілердің арасында бар ма, жоқ па тексеру жүргізуде. Бұл тексерістен кейін адамдарға шығуға рұқсат етіледі, деген болжам бар.

Аталғандай, француз полициясының қызметкерлері Париж Құдай анасы соборының жанында шабуыл ұйымдастырмақ болған ер адамның алдын алған. Құқық бұзушы жарақат алды.

Француз телеарналарының ақпаратынша, ер адам собор жанындағы полиция қызметкеріне атыла жөнелген. Ол полиция қызметкерін балғамен ұрып жібермек болған. Тәртіп сақшыларының бірі оқ атқан.

Кейін оқиға орнына өзге тәртіп сақшылары жеткен. Оқиға орын алған аудан қазір қоршауда. Полиция шабуыл жасаған адамның сыбайласы жоқ па, тексеруде.