Оқиғалар Жарылыс болған пойыз машинисі марапатқа ұсынылды
Машинистің әрекетіне Ресей Федерациясының Тергеу комитеті жоғары баға берді. Ол жарылыс болғаннан кейін құрамды тоқтатпай, оны платформаға дейін жеткізген
3 сәуір күні жарылыс болған пойыз машинисі жолаушыларды құтқарғандығы үшін марапатталатын болады. Бұл туралы Санкт-Петербург метрополитен өкілі мәлімдеді.
- Машинист пойыздағы оқыс жағдайда абдырап қалған жоқ, нұсқаулыққа сәйкес әрекет етіп, құрамды платформаға дейін сүйреп әкелді. Әзірге біз оның қандай наградаға ұсынылатынын шешкен жоқпыз, - делінген хабарламада.
Машинист Александр 51 жаста, метрополитенде 15 жылдан бері жұмыс істейді. Бірінші санатты машинис ретінде еңбек өтілі 11 жылды құрайды.