Оқиғалар Қытай мектебінде кептелістен екі бала қайтыс болды
Түрлі деңгейдегі ауыр жарақат алған тағы 20 бала ауруханаларға жеткізілді
Фото:
vladtime.ru
Хэнань провинциясының билігі Пуян уезіндегі бастауыш мектептердің бірінде екі баланың қайтыс болғанын растап отыр. Мекеменің қабырғасы құлағаннан кейін, балаларды алып шығу барысында туындаған кептеліс нәтижесінде екі бала қаза тапты.
Хэнань Денсаулық сақтау және жанұялық жоспарлау комиссиясы қазір медициналық жәрдем алып жатқан тағы 20 зардап шегуші туралы хабарлады. Дәрігерлердің айтуынша, екі бала ауыр халде, олардың денсаулықтарын қалыпқа келтіру үшін дәрігерлер барын салуда.
Дұрыс ұйымдастырылмаған шығару жұмысы мен балалар арасындағы үрей мекеменің жалғыз кіре берісінде үлкен кептеліс тудырған.
Оқушылардың бірі ауруханаға барар жолда қайтыс болған, ал екінші баланы жергілікті медицина мекемесінің дәрігерлері құтқарып үлгермеген – бала ауруханаға өте ауыр хәлде жеткізілген.
Қазіргі уақытта ТЖ орнында құқыққорғау органдары жұмыс істеуде, қылмыстық іс қозғау сұрағы қозғалуда. Білім мекемесінің директоры куәлік беруге шақырылды.
Следующая →
