Сенбі күні облыстағы темір жолда екі ТЖ орын алды

Бірінші жағдай 9.00-де Бұқтырма станциясында орын алған. Рельстен цемент тиелген құрам шығып кеткен.

-   Бұған тежеуіштің істен шығуы себеп болған, - деп хабарлайды «Жүк тасымалы» АҚ баспасөз қызметі. – Вагондардың құлауынан машинист зардап шегіп, емханаға жеткізілді.

Одан өзге, 24 желтоқсан күні 12.20-да Дегелең-Семей аумағында «Petroleum» ЖШС-не тиесілі тағы бір жүк вагоны темір жолдан шығып кетті. Апаттан ешкім зардап шеккен жоқ. Апатқа вагонның бүйір жақтауы сынып кетуі себеп болған. Соның салдарынан сол күні пойыздың артынан келген  Лениногорск-Астана, Алматы-1-Павлодар, Павлодар-Алматы-1 пойызы межелеген орынға кешігіп жеткен.