Облыста алты балықшы мұзда көз жұмды

Өскемен ТЖ қызметінің мамандары қысқы балық аулуға рұқсат етілмеген жерлерде рейд жүргізуде. Бұл шаралардың басты мақсаты – су айдындарында болатын қайғылы жағдайлардың алдын алу.

- Балықшылармен әңгімелесіп, қауіпсіздік ережесін сақтамаудың салдары неге соқтыратындығы туралы ескертіп, жадынама таратамыз, - дейді Өскемен қаласы ТЖД Азаматтық қорғаныс бөлімінің басшысы Валентин Литвиненко. – Алайда, азаматтар «Мұздан өтуге болмайды!» деген белгіні көре тұра, өз өмірлерін қауіпке тігеді.

Айта кетейік, Өскемен қаласында қайғылы жағдай жыл басынан бері орын алмаса да, облыс бойынша алты адам көз жұмған.