ШҚО-да болған өртте бір адам көз жұмып, екіншісі зардап шекті

Сенбі күні Глубокое ауданындағы Белоусовка ауылында жер үйдің екінші қабаты өртке оранды. Нәтижесінде 57 жасар үй иесі ауыр зардап шекті. Денесі 100% отқа күйген азамат ауруханаға жеткізілді. Өрттің шығуына қатысты екі нұсқа қарастырылуда: отқа салғырт қарау немесе мас күйінде шылым шегу.

Сол күні Өскемендегі Карницкий көшесі бойындағы жер үйде де өрт шықты. мамандар өртке не себеп болғанын әлі анықтап жатыр. Абырой болғанда, зардап шеккендер жоқ.  

Ал жексенбі күні Гагарин бульварында бес қабатты үйдің үшінші қабатында орналасқан пәтер өртеніп кетті. Өрт аумағы 20 шаршы метр. Оқиға орнында 57 жасар ер адамның мәйіті табылды. Өрттің шығуына қатысты екі нұсқа қарастырылуда: отқа салғырт қарау немесе мас күйінде шылым шегу.