4 тәулік бойы орманда болған зейнеткер аман қалды

80 жасар Риддер қаласының тұрғыны 27 шілде күні орманға жидек теруге шыққан. Үйіне қайтпай қалған зейнеткерді іздеп, жақындары дабыл қағып, 29 шілде күні Шығыс аймақтық аэромобильді құтқару тобына хабарласқан. Құтқарушылар Тишин кеніші аймағындағы онаурызларды 20 шақырымға шейін түгел қарап шыққан. Ал жоғалған қарияны 30 шілдеде «Синегорье» демалу базасының демалушылары Громотуха өзенінің арғы  жағалауынан байқаған.
  - Куәгерлер алдымен бұл балықшы екен деп ойлаған. Артынша оның киімі жыртылып, түрі шаршаңқы екенін көрген, - дейді ШААШБ құтқару бөлімінің командирі Валентин Титаренко. - Өзен ағысы қатты болғандықтан арғы бетіне көпір арқылы өтуге тура келді. Түнгі сағат 12-лерде біз қарияның қасына жеткенде ол тастардың үстінде жатқан еді. Ойы сергек, сұрақтарымызға жауап бере алатын хәлде болды. Үстіндегі киімін ауыстырып, үстін көрпемен жауып, түнімен жанында алау жағып отырдық.
 Сол уақытта басқа құтқарушы топ Өскеменнен катамаран жеткізді. Ал таңғы 5 шамасында зейнеткерді Громотуха өзенінің оң жағалауына жеткізген. Зардап шеккен қария жедел жәрдем қызметкерлеріне табысталды. Төрт күн бойы ашық аспан астында жатқан қарияның тек аяқ-қолының буыны шықпай, өкпесі де қабынған.
- Бұндай жағдайға қалай тап болғанын сұрағанымызда, қария адам бойынан асатын шөптер арасында кешке дейін адасып жүргенін, келесі күні өзенге құлап кете жаздап, аман қалғанын айтты, - дейді Валентин Титаренко.
Қазіргі таңда қария ауруханада ем қабылдап жатыр.