Өскеменде су көтерілу салдарынан 102 адам көшірілді

Өскемен қалалық ТЖБ мамандары, қалалық әкімдік, жергілікті полиция қызметкерлерінің көмегімен 102 тұрғын, оның ішінде 7-еуі бала, көшірілді.

- Аталмыш шараға 10 арнайы техника мен жүзу құралдары жұмылдырылды, - деп хабарлады Өскемен қаласы ТЖБ баспасөз қызметі. – Тек жұмысқа тұрғындардың өз орындарынан кетуге бас тартуы кедергі келтіріп отыр.

Мамандар дауыс ұлғайтқыш құрал арқылы су басу қаупі туған жағдайда қандай әрекет ету керектігін хабарлап, тәулік бойы су деңгейіне мониторинг жүргізіліп отыр.

Қалалық ТЖБ мәліметінше, кеше Ертіс суы 40 см-ге көтерілген.