Оқиғалар Қарағандыда бомба бар деген хабар түскеннен кейін 500 адам дүкеннен шығарылды
Сейсенбі күні кешке Қарағандыда орталық әмбебап дүкеннен бірнеше жүздеген адам сыртқа шығарылды. Оның себебі жарылғыш зат қойылды деген хабарлама болып отыр
Облыстық полиция баспасөз қызметінің жетекшісі Бақытжан Кудияровтың берген мәлімдемесіне сай, ОӘД-де жарылғыш заттың қойылғаныдығы жайлы ақпарат Қарағанды ішкі істер басқармасына сағат 19.35-те келіп түскен.
Оқиға орнына төтенше қозғалыс қызметкерлері мен жедел тексеру топтары жеткен.
- Бүкіл аудан бақылауға алынып, сауда орталығынан қызметкерлер мен келушілер, жалпы саны 500 адам шығарылды.
Ғимаратты саперлар аралап шықты. Ешқандай жарылғыш зат табылған жоқ.
- 20.45-те іздестіру жұмыстары тоқтатылды. Қазіргі уақытта қоңырау шалған азаматтың телефон нөмірі анықталды. Күдіктінің жеке мәліметі әлі белгісіз, – деді Б. Кудияров.
