Абай ауданының азаматына найзағай түсіп мерт болды

ШҚО ТЖД баспасөз-қызметінің мәлімдеуінше аталмыш азамат найзағай түскенен қатты дене зақымын алған екен. Осы жылдың сәуір айында да Абай ауданында найзағай жылқыға түсіп, қасындағы адам күйік алып, жылқы сол жерде мерт болған. 

Мұндай жағдайлар әлем бойынша орын алуда. Өткен аптаның сенбісінде Париж паркіне найзағай түсіп, сегіз бала жарақат алған. Оның екеуі ауыр жарақаттанған екен. 

Біздің облысымызда найзағай түсу, сәуір айынан қазан айы аралығында жалғасады. Найзағайдан қашып, ағаштардың астына тығылуға болмайтындығын обдысымыздың құтқарушылары айтты, өйткені ол ең бірінші биік жерлерге түседі.

Сонымен қатар, найзағай жауын жауып жатқан жерден он километр жерге түседі екен. Сондықтан жаңбыр біткенсоң шығу қауіпті, күннің күркіреуі басылғанша дейін далаға шықпау абзал.

 – Найзағай егер адамға түскенін көрсеңіздер қасына баруға қорықпаңыздар. Одан сіздерге қауіп жоқ. Найзағай түскен адамды  бірнеше минутқа жерге көмсе оның денесіндегі электр қуаты одан шығады деген қате пікір. Ол оған керісінше әсер етеді,-деп түсіндірді ШҚО ТЖД баспасөз-қызметі.