Оқиғалар Кеше Өскемендегі жатақханалардың бірінен өрт шықты
27 наурыз күні Қазақстан көшесі бойындағы жатақхананың бөлмесі өртке оранып, отызға жуық адам эвакуацияланды
Фото:
24.kz
Үшінші қабатта орналасқан бөлмелердің бірінің мүлкі жанып кеткен. Өрт ауданы аса ауқымды болмағанымен, үлкен қауіп төндірді.
- Өртке отқа салғырт қарау себеп болған. Мамандардың алғырлығының арқасында өрт тез ауыздықталды, - деп хабарлайды ТЖБ баспасөз қызметі. – Өскемен қаласының №1 арнайы бөлімінің қызметкерлері ғимараттан 30-ға жуық адамды алып шықты.
Үш өрт сөндіру көлігімен дереу жеткен 12 жеке құрам мамандары тілсіз жаудың бетін қайтарды.