Оқиғалар Қала тұрғыны екі миллионды қодды еткен
Ұрыны пластик терезенің жақтауы да ұстап қала алмаған, ол үйге оңай кіріп кетіп, үй иелері оралғанша тонап үлгерген
Фото:
kusivaka.ru
Облыс орталығының полицей қызметкерлері мультивалюталы ұрлықты ашты. Пластик терезе арқылы үйге кірген ұры тек ақша ғана емес, сонымен қатар зергерлік бұйымдарды да жымқырған, деп хабарлайды ustinka.kz тілшісі, ШҚО ІІД сілтеме жасап.
Ұрлық 19-қаңтар күні сағат 18 бен 19 арасында Леваневский көшесінің бойында жасалған көрінеді. Үйге оңай кірген ұры бір миллион теңге, үш мың доллар және үй иесінің алтын сырғасын жымқырған. Келтірілген залал көлемі 2,2 миллионға бағаланды.
Полицей қызметкерлері ұрыны іздеп тапқан. Алайда ақша болмағанымен, оның қалтасынан табылған сырға заттай айғақ болды. Күдікті қазіргі таңда уақытша ұстау изоляторында. Аталмыш іске қатысты сотқа дейінгі тергеу жұмыстары жүргізілуде.
