ШҚО-да 18 келіден аса есірткі тәркіленді

Облыс бойынша ақпан айының басынан бері 42 қылмыстық іс қозғалған. Оның ішінде 8 қылмыстың 3-еуі есірткі затын сату және 5-еуі көп мөлшердегі есірткі затын сақтау фактілері бойынша тіркелген, деп хабарлайды ШҚО ІІД баспасөз қызметі.

Есірткі қылмысын ашу және алдын алу жұмыстары нәтижесінде заңсыз айналымнан 18 келі есірткі, оның ішінде 20 келіден аса героин табылды.

ІІД-нің ұйымдастырылған қылмысқа қарсы күрес бөлімшесінің қызметкерлері Өскемен қаласының 31 жасар тұрғынының үйінен 3 келі марихуана тапты. Ары қарайғы тексеріс барысында сол азаматтың көлікжай кооперативтерінің бірінде орналасқан көлікжайынан тағы 4 келі есірткі шөбі табылған. Есірткі затын сақтаған күдікті уақытша ұстау изоляторына тоғытылып, оған қытысты қылмыстық іс қозғалды.

Сонымен қатар құқық қорғау қызметкерлері Семей қаласындағы аса көлемді есірткі саудасының алдын алды. Бұрын істі болған 48 жасар күдіктінің көлігінен 3 келі 700 грамм марихуана табылды. Аталмыш іске қатысты сот алды тергеу жұмыстары жүргізілуде.

Ал Өскеменде ІІД наркобизнеспен күрес бөлімшесі жедел іздестіру шаралары кезінде екі азаматшаға қатысты қылмыстық істің алдын алды.