Оқиғалар Ақтөбеде трансұлттық ұйымдасқан қылмысқа қатысушы ұсталды
Өткен жылы қылмыстық топ қатысушыларынан сатуға дайын 25 килограмнан астам есірткі және олардан жасалған 3,5 тонна прекурсорлар тәркіленді
Ақтөбеде есірткі өндіретін және сататын 30 жастағы жергілікті тұрғын ұсталды, деп хабарлайды Устинка LIVE тілшісі. Ұсталған азамат трансұлттық ұйымдасқан қылмыстық топпен байланысты.
Бұған дейін 2021 жылы Нұр-Сұлтан қаласы, Қарағанды, Ақмола және Павлодар облыстарында бірқатар ірі ұстаулар болды. Сол кезде сатуға дайын 25 келіден астам есірткі және оларды жасауға арналған 3,5 тонна прекурсорлар тәркіленді. Бес ірі есірткі зертханасы жойылды, олардың екеуі Қарағанды облысында, ал Нұр-Сұлтан қаласында, Павлодар, Ақмола облыстарында бір-бірден жұмыс істеген. Арнайы операция барысында трансұлттық ҰҚТ ұйымдастырушысы мен алты қатысушысы ұсталды, олар мефедронды Қазақстанда да, одан тыс жерлерде де жасап, өткізуді ұйымдастырған, - деп хабарлайды ҚР ІІМ.
Қылмыстық топтың әрбір қатысушысы өзіне бекітілген есірткіні өткізу аумағына жетекшілік етіп отырған, сондай-ақ, заттарды тасымалдау, дайындау және сақтау сияқты белгілі бір міндеттерді атқарған. Мәселен, төртеуі Нұр-Сұлтан, Алматы, Павлодар, Қарағанды қалаларында психотроптық заттарды дайындаумен және өткізумен айналысқан. Олардың бірі өз қызметін Ресей мен Грузия аумағында жүзеге асырған.
Тергеу барысында Халықаралық қылмыстық байланыстар анықталып, ҚР ҚК-нің 264-бабы (Трансұлттық қылмыстық топты құру және оған басшылық ету) бойынша қылмыстық іс қозғалды. Осы ҰҚТ бойынша есірткі сатумен байланысты сегіз қылмыстық іс қозғалды.
Жаңа жылдық мерекелер қарсаңында Қарағанды қаласында есірткі өндіру үшін прекурсорларды жіберумен айналысқан тағы бір ҰҚТ қатысушысы ұсталды. Жедел уәкілдер ол жалға алған гаражда “Альфа-PVP” жасау үшін қолданылатын химиялық заттар – прекурсорлар құйылған алты 30 литрлік пластикалық бөшкелерді тәркіледі, - деп қосты құзырлы органда. - Оның байланыстарын пысықтау барысында үй жағдайында синтетикалық есірткі өндірісін жолға қойған Ақтөбе қаласының тұрғыны анықталды. Ұстау кезінде одан синтетиканың бес бір реттік дозасы, ал тұрғылықты жері бойынша тағы сегіз есірткі түйіні тәркіленді. Сонымен қатар, қаланың әр жерінде тапсырыс бойынша “клиенттер” үшін дайындалған 55 жасырылған түйін тәркіленді. Сот-химиялық сараптама нәтижелері бойынша тәркіленген зат жалпы салмағы бір килограммға жуық есірткіні құрады.
Есірткі өндіру фактісін растайтын заттай дәлелдемелер тәркіленді. Осылайша, тағы бір есірткі зертханасы жойылды.
Есірткі қылмысына қарсы іс-қимыл департаментінің бастығы Ерлан Омарбеков түсіндіргендей, Ішкі істер министрлігімен синтетикалық есірткінің айналымына қарсы іс-қимылдың тиімділігін арттыру бойынша бірқатар мақсатты бағытталған іс-шаралар жүзеге асырылуда.
