Оқиғалар Арнайы операция: кәсіпкерден ақша талап еткен ҰҚТ мүшесі ұсталды
ШҚО полицейлері ұйымдасқан қылмыстық топ мүшелерінің бірінің құқыққа қайшы әрекеттерінің жолын кесу бойынша жедел-іздестіру іс-шараларының кешенін өткізді
Полиция департаментінің жедел қызметкерлері бұған дейін бірнеше рет сотталған 31 жастағы облыс орталығының тұрғыны ағымдағы жылдың қыркүйек айының басынан бастап шаруа қожалығының иесінен 30 млн теңге көлемінде ақша талап еткені туралы ақпарат алды, деп хабарлайды Устинка LIVE тілшісі.
Мамандандырылған бөлімшелердің күштерін тарта отырып, жедел іс-шаралар жүргізу нәтижесінде бұл күдікті ақша алған кезде тікелей шаруа қожалығының аумағында ұсталды, тінту кезінде оның заңсыз әрекеттерін растайтын заттай дәлелдемелер алынды.
- Қазіргі уақытта күдікті сот санкциясымен қамауға алынды, - деп хабарлады ШҚО ПД бастығының орынбасары Талғат Шаяхметов. - Оның әрекеттері жеті жылдан 15 жылға дейін бас бостандығынан айыру түріндегі қылмыстық жазаны көздейтін ҚР ҚК-нің 194-бабы 4-бөлігі "қорқытып бопсалаушылар" бойынша сараланады. Ведомствода шағын және орта бизнесті қылмыстық қол сұғушылықтан қорғауды қамтамасыз ету жөніндегі жұмыс тұрақты бақылауда екенін атап өтті.
