ШҚО-да танысы зейнеткердің атынан қомақты несие рәсімдеген

Тамыз айының ортасында Семей қалалық ПБ ОПБ 102 арнасына 73 жастағы зейнеткер хабарласып, танысы оның атынан 1 300 000 теңге несие рәсімдеп алғанын айтқан. Зейнеткердің айтуынша, несие 2007 жылы алынған. Бірақ қария тәртп сақшыларының көмегіне арада 14 жыл өткеннен кейін ғана жүгініп отырған көрінеді.

- Аса ауыр қылмысты ашу үшін Семей қаласының криминалдық полиция бөлімінің барлық жеке құрамы жұмылдырылды, - деп қосты ШҚО ПД баспасөз қызметі. - Жедел іздестіру шаралары нәтижесінде 48 жастағы жергілікті тұрғын анықталды. Тергеу барысында ол қылмысын мойындады.

Қазіргі таңда ҚР ҚК 190-бабы 1-бөлігі "Алаяқтық" бойынша сотқа дейінгі тергеу басталды.