Бауырын өлтірді: Алматы облысындағы отбасы қылмысты жасыруға тырысты

29 тамыз күні кешке Талғар аудандық полиция басқармасына хабар түсті: Бесағаш ауылының 19 жастағы тұрғыны жедел жәрдем көлігінде көз жұмды, деп хабарлайды сайт Polisia.kz. Дәрігерлер жас жігіттің мойыннан пышақпен жарақат алғанын хабарлады.

Оқиға орнына келген тәртіп сақшылары марқұмның туыстарынан жауап алды. Олар жігіттің өз-өзіне қол жұмсағанын айтқан. Полиция жас жігіттің отбасының өтінішіне сенімсіздікпен қарап, тергеуді бастады.

- Тәжірибелі тергеулер бірқатар жедел-іздестіру шараларын жүргізіп, марқұмның 21 жастағы ағасын әшкереледі. Ол кісі өлтіргенін мойындады және анасымен ұрысып қалғанын айтты. Ал ағасы оны қорғауға келгенде, оның мойнына пышақ сұққан. Осыдан кейін жас жігіт туыстарына бауырының өз-өзіне қол жұмсады деп айтқызып, жауапкершіліктен жалтаруға тырысты, - деді Талғар АІІБ басшысы Жанболат Зиадин.

Күдіктіге қатысты ҚР ҚК-ның 99-бабының бірінші бөлігі "Адам өлтіру" бойынша қылмыстық жаза тағайындалды.

Талғар АІІБ басшысы Жанболат Зиадин істі тергеген қызметкерлердің кәсібилігін атап өтті.

- Бұл айқын қылмысты ашу Алматы облысы ПД қылмыстық полиция басқармасы қызметкерлерінің Талғар аудандық полиция басқармасы қылмыстық полиция бөлімінің жеделдетушілермен нақты, үйлесімді жұмысының нәтижесінде ғана мүмкін болды. Қызметкерлер кәсібилігін көрсетті, шындықты анықтады және өздерін алдауға мүмкіндік бермеді, - деді ол.

Күдікті уақытша ұстау абақтысына қамалды. ҚР ҚІЖК-ның 201-бабына сәйкес өзге ақпарат жария етілмейді.