ШҚО-да ер адам өмір бойына көлік жүргізу құқығынан айырылды

Сот жаза түрін жұмсартып, Өскемен қаласының пробация қызметкерлері сотталушыны жазбаға енгізді, деп хабарлайды Устинка LIVE тілшісі.

ШҚО бойынша Қылмыстық-атқару жүйесі департаментіні баспасөз қызметінің хабарлауынша, жүргізуші куәлігінен айырылған, ер адам мас күйінде қайтадан рульге отырған. Сот оны жүргізуші куәлігінен өмір бойына айыруға үкім шығарып,  алты ай мерзімге бас бостандығынан айыруға жазасын кесті. Үш айдан кейін, ҚР Қылмыстық кодексінің 73-бабына сәйкес, сотталушы бас бостандығын шектеу түріндегі жеңіл жазаға ауыстырылды.

- Тіркеу кезінде пробация қызметінің қызметкерлері тіркеуге алынған адаммен профилактикалық әңгіме жүргізіп, әлеуметтік-құқықтық көмек көрсетті, - деді Өскемен қаласының пробация қызметінің бастығы, әділет майоры Мақсат Манарбеков. - Қазір қызметкерлер есепте тұрған азаматты жұмысқа орналастыру бойынша жұмыс атқарып жатыр.