ШҚО-да бір фирманың аумағынан 3 тоннадан астам темір ұрлап кеткен

Жарма ауданындағы ЖШС-лардың бірінің директоры темір сынықтарының ұрланғаны туралы полицияға хабарлады, деп хабарлайды Устинка LIVE тілшісі.

Ер адамның айтуынша, ұрылар алаңнан шамамен үш жарым тонна металл алып шыққан.

- Тәртіп сақшылары қылмыскерлерді ізіне түсіп күдіктілерді лезде анықтады. Үш жеткіншек полиция бөліміне жеткізілді. Олардың бірі бұрын сотталған. Жауап алу кезінде үшеуі де өз кінәләрін мойындады. Олардан металл сынықтары тәркіленді, - деп хабарлады ШҚО ПД баспасөз қызметі.

Полиция мәліметінше, қазір ҚР ҚК-нің 188-бабы "Ұрлық" бойынша оқиғаның мән-жайы анықталуда.