Оқиғалар Қазақстанда қаскөйлерден үш тонна бекіре тәркіленді
Бұл туралы бүгін Ұлттық қауіпсіздік комитетінің баспасөз бөлімі мәлімдеді, тексеріс әлі жүргізіліп жатыр
26 сәуірде ҰҚК Шекара қызметі департаментінің, ҰҚК және Полиция департаментінің Маңғыстау облысы бойынша бірлескен іс-шаралары кезінде үш тонна бекіре балығы бар қойма табылды, деп хабарлайды Устинка LIVE тілшісі. Балық өндірістік тоңазытқыш қондырғыларында сақталған екен.
- Құзыретті органдар сотқа дейінгі тергеуді бастады, жедел-іздестіру іс-шаралар кешені биологиялық ресурстарды заңсыз өндіруге және сатуға қатысы бар адамдардың шеңберін анықтауды жалғастыруда, - деп хабарлады Қазақстан Республикасының Ұлттық қауіпсіздік комитетінің баспасөз қызметі.
