ШҚО полицейлері 140 отағасын жауапкершілікке тартты

Аталған мерзім ішінде есепте тұрған 2750-ден астам адам мен 660-қа жуық тұрмысы қолайсыз отбасы тұрғылықты жері бойынша тексерілді, деп хабарлайды Устинка LIVE тілшісі. 1548 адамға қатысты қорғау ұйғарымдары шығарылды, сот 540 азаматқа қатысты ерекше талаптарды белгіледі.

- Жедел алдын алу іс-шарасы басталғаннан бері құқық бұзушылардың жүріс-тұрысына 84 ерекше талап қойылды, оның ішінде 70-ке қатысты алкогольдік ішімдіктерді пайдалануға тыйым салынды, - деді ШҚО ПД жергілікті полиция қызметі басқармасының бастығы Талғат Нұриев. - 271 адамға қатысты қорғау нұсқамасы шығарылды, оларды бұзғаны үшін ӘҚБтК-нің 461-бабы "Қорғау нұсқамасын бұзғаны үшін" 62 адам тартылды.

Сонымен қатар, мекеменің мәліметінше, отбасылық-тұрмыстық қатынастар саласындағы заңсыз әрекеттері үшін 140 бұзақы жауапқа тартылған.

- Үлбі полиция бөлімінің "102" арнасына 63 жастағы әйел жүгінді, - деп бөлісті мкемеде. - Шақыру мекенжайына дереу кезекші наряд жіберілді. Оқиға орнына келген полиция қызметкерлері 62 жастағы ер адамның үйде жанжал шығарғанын және оның шабуылының нысаны ретінде әйелін таңдағанын анықтады. Өскемен қ. ПБ УПБ учаскелік инспекторы дебоширге қатысты қорғау нұсқамасын шығарды және ӘҚБтК-нің 73-бабының 1-бөлігіне сәйкес "Отбасы-тұрмыстық қатынастар саласындағы құқыққа қайшы әрекеттер" әкімшілік сипаттағы шаралар қабылданды.

ШҚО ПД атап өткендей, жедел алдын алу іс-шарасы кезінде отбасылық-тұрмыстық қатынастар саласында қылмысқа жол берілген жоқ.