ШҚО-да жас жігіт ер адамды пышақтап тастады

Оқиға қаңтар айының соңында орын алды, бұл туралы хабар 102 арнасына түн ортасында келіп түсті

Полицияға Риддер қалалық ПБ патрульдік полиция взводының қызметкері жүгінді. Ол Гагарин даңғылындағы үйлердің бірінің жанында 22 жастағы жігіт ұсталғанын, оның киімінде қан іздері бар екенін айтты, деп хабарлайды Устинка LIVE тілшісі.

- Жедел-іздестіру іс-шараларын жүргізу барысында Риддер қ. ПБ жедел - тергеу тобы келген күдіктінің Гагарин даңғылындағы үйдің кіреберісінде 33 жастағы ер адамға пышақ жарақатын салғанын анықтады, - деді ШҚО ПД бастығы Сағат Мәдиев.

Мекеменің мәліметінше, зардап шегуші пышақ жарақатымен қалалық ауруханаға жеткізілді, онда оған медициналық көмек көрсетілді.

Аталған факті бойынша ҚР ҚК-нің 106-бабы 1-бөлігі "Денсаулыққа қасақана ауыр зиян келтіру" бойынша сотқа дейінгі тергеу амалдары жүргізілуде. Оқиғаның мән-жайы анықталуда.

Тақырыптар: ДП ВКО Сагат Мадиев Ударил ножом ОП Риддера