Оқиғалар 
ШҚО-да ұрылар жайылып жүрген жылқыларды айдап әкеткен
Полиция қызметкерлері бірден бірнеше қылмысты ашты – ұрылар барымтаға түнгі уақытта шығып жүрген
Криминалды полиция қызметкерлері Шемонаиха мен Глубокое ауданында мал ұрлығымен айналысып жүрген азаматты тұтқындады.
60 жастағы бұл азаматтың жеті қылмысқа қатысы бар екені анықталды. 38 жастағы Өскемен қаласының тұрғыны екеуі түнгі уақытта жайылымда жүрген жылқыларды айдап әкетіп отырған. Кейін жылқыларды жалға алынған көлікпен Семей қаласына жеткізіп, нарықтық бағадан төмен бағамен сатып жүрген.
- Ер адам бірнеше ұрлыққа қатысы бар деген күдікке ілінді. Жалпы шығын екі миллион теңге шамасында. Аталған факті бойынша сотқа дейінгі тергеу басталды, - деп мәлімдеді ШҚО ПД баспасөз қызметі.
Қазіргі таңда күдікті уақытша қамау изоляторына тоғытылды. Оның басқа да қылмыстық істерге қатысы бар-жоғы анықталуда.