Оқиғалар Белгісіз біреу букмекерлік конторды тонап кетті
Өскемен қаласында тағы да букмекерлік конторға шабуыл жасады
Дүйсенбі күні полиция қызметіне белгісіз ер адамның букмекерлік конторды тонап кеткені туралы хабар түскен. Конторға орнатылған бейнебақылау камерасына жазылған жазбадан байқағанымыздай, ер адам кассашы отырған үстел үстіне секіріп шығып, пышақпен қорқыта отырып кассадағы ақшаны алып тайып тұрған.
- Кассадан 350 000 теңге алып кеткен, - деп мәлімдеді Өскемен қалалық Полиция басқармасының басшысы Даур Ибраев. - Оқиға орнына полиция қызметі дереу жетіп, екі сағаттың ішінде күдіктіні қолға түсірді.
Өскемен қалалық Полиция басқармасының баспасөз қызметі хабарлағандай, 30 жастағы облыс тұрғыны екен. Қазіргі уақытта сотқа дейінгі тергеу жүріп жатыр.
Следующая →
