Оқиғалар Шемонаихада синтетикалық есірткі сатқандар ұсталды
Қазір есірткінің шөп түрі емес, химиялық түрлері көп сатылады
Мұндай есірткілерді спайс деп атайды әрі қазір Қазақстан территориясында тез таралып жатыр, қаптап кетті. Олардың басты қаруы – әлеуметтік желі мен мессенджерлер. Сондықтан оларды ұстау да қиын. Оның үстіне, табылған есірткінің түрін елде тыйым салынған психотроптық заттардың қатарына қосу да қиын, себебі олардың химиялық құрамы мен қоспалары әртүрлі.
Сондай есірткінің "заманауи" түрлері Шемонаиха ауданында да қаптап кетті. Ата-аналар дабыл қағып, полицейлерге, әкімдік пен баспа құралдарына, қауіпсіздік комитетіне шағымдана бастады. Содан тәртіп сақшылары іске кірісіп, осы жылдың сәуір айында Шемонайха қаласында есірткі сатумен айналысқан екі азамат ұстаған.
Ауданның бас полицейі Қанат Синиязовтың айтуынша, қазіргі қала тыныш, есірткі таралып жатқан жоқ.
- Патрульді полиция мен учаскелік инспекторларға хабар берілді: есірткі жайлы сыбыс болса, бірден тексеріске шығады. Қазір әкімдікпен саябақтар мен аулаларға бейнебақылау камераларын орнату жағынан келісіп жатырмыз, - дейді бас полицей.
