Оқиғалар Тәттіқұмар ұры қолға түсті
Өскемендегі Қазақстан көшесіндегі дүкендердің біріне кірген жас жігіт төрт қорап "Мерси" тәттілерін қағып кеткен
Ұрлық 24 наурыз күні болса, ол туралы 1 мамыр күні куәгер әйел хабарлаған.
35 жастағы қала тұрғыны жас жігіттің дүкен сөресінен қымбат тәттілерді жымқырғанын көргенін айтқан. Тәртіп сақшылары бұзақыны қолға түсірді. Ол 27 жастағы қала тұрғыны болып шыққан.
- Қолға түскен азамат бұрын да істі болған, - деп мәлімдеді Өскемен қалалық Полиция басқармасының баспасөз қызметі. - Учаскеге жеткен ол қылмысын мойындаған.
Қазіргі уақытта тәртіп сақшылары аталмыш факті бойынша ҚР ҚК 188-бабы 1-бөлігімен сотқа дейінгі тергеу жүргізіп жатыр. Енді тәттіқұмар жігіт айыппұл төлейді немесе екі жылға бас бостандығынан айырылады.