Оқиғалар Қарағандыда алаяқтар тұрғындарды 60 млн теңгеге алдап соққан
Алаяқтар қарағандылықтарға аты тұрмақ заты жоқ бағдарлама бойынша баспана сатып, 60 млн теңге пайда тапқан
Қос алаяқ баспананы жекешелендіру бағдарламасы бойынша Қарағанды тұрғындарын сан соқтырып кеткен. Өйткені шын мәнінде ондай бағдарлама мүлдем жоқ, деп хабарлайды Tengrinews.kz сайты.
Бос тұрған пәтерлер мен құжаттардың көшірмесін көрсете отырып, алаяқтар азаматтардан орта есеппен 1 млн теңге кепілақы алып, құжаттарды рәсімдеу үрдісін күтуді ұсынған.
Оның үстіне, бұл баспаналардың бағасы нарықтағыдан 2-3 млн-ға арзан екенін айтқан. Сатып алушыларға осылайша иесі жоқ пәтерлерді жекешелендіріп беретіндіктеріне сендірген.
Жалпы шығын құны 60 млн теңгені құрап отыр. Зардап шеккендер сотқа жүгінді. Алаяқтардың бірі – әйел адам 4 жылға бас бостандығынан айырылса, ер адамға қатысты сот ісі жүріп жатыр.
