ШҚО-да ер адам жұмыс берушісін тонап кетті

Пәтерді жөндеуге жалданған Риддер қаласының тұрғыны үй иесінің мүлкін иемденген

Сөреде жатқан алтын білезік жұмысшының назарына бірден түскен. Үй иесінің үйде болмағанын пайдаланып, ол әшекейлерді жымқырған.

Жоғалған білезікті иесі 69 мың теңгеге бағалады. Риддер қалалық сотының баспасөз қызметінің ақпараты бойынша, ер адам кінәсін мойындады. Енді ол бір жыл пробациялық бақылауда болып, бостандығы шектеледі. Шешім әлі күшіне енген жоқ.