Оқиғалар ШҚО-да несие берген алаяқ ұсталды
Әйел алаяқ "клиенттеріне" несие алудың оңай жолын ұсынып, алғашқы жарнаны талап еткен
Ал жарнасы қолына тиген алаяқ тайып тұрған. Күдікті тұрғындарды бес миллион теңгеге сазға отырғызған.
Семей қалалық ІІБ-нің мәліметтеріне қарағанда, полицияға екі тұрғын келіп шағымданып, алаяққа жем болғанын айтқан. Алаяқ әйелге оларға банктің арнайы қызметкері екендігін айтып әрі қаржы мекемесінің арнайы бағдарламасы бойынша аз пайыздық мөлшерлемеге несие беретіндігін айтып сендірген. Алайда бағдарламаға қатысу үшін алғашқы "жарнаны" төлеу керек екен. Содан күдікті бір тұрғыннан 2 млн теңге, екіншісінен 3 млн теңге алып кеткен.
- Криминалды полиция бөлімі тексеріс жүргізіп, бұрын да сотты болған 28 жастағы алаяқ әйелді ұстап алды. Қазір алаяқтық дерегі бойынша соталды тергеу амалдары жасалуда, - дейді Семей қалалық ІІБ баспасөз қызметі.