Оқиғалар Денис Теннің өліміне қатысты үшінші күдікті тұтқындалды
Танымал қазақстандық спорт шеберінің өліміне қатысы бар үш адам тұтқындалды
Бұл туралы Қазақстан бас прокурорының орынбасары Марат Ахметжанов хабарлады.
- Аталмыш қылмыстық іс бойынша үш азамат тұтқындалды. Дәлелдер жеткілікті мөлшерде жиналды. Прокурор ол дәлелдердің заңдылығын тексеретін болады. Сот санкциясы бойынша олар тұтқындалды, - делінген жұма күні Астана қаласында өткен баспасөз конференциясында.
М. Ахметжанов үшінші тұтқынның атын атаудан бас тартты. Бірақ оның "қылмыс туралы хабарламауына" байланысты тұтқынға алынғанын атап өтті.
- Күдікті қылмыс туралы біле тұра хабарламаған. Тергеу бойынша ақпараттарды ішкі істер органдары береді, - деді прокурордың орынбасары.