Оқиғалар ШҚО полицейлері алимент төлемей қашып жүрген азаматты ұстады
Өскемен қаласының 35 жастағы тұрғыны сегіз жасар баласына бір миллион теңгейдей "қарыз болған"
Ал тәртіп сақшылары алимент төлеуден қашып жүрген тұрғынды ұстауға кіріскен. Жарты жылдың ішінде облыс полицейлері алимент төлеуден жалтарып жүрген 428 борышкерді тауып, сот органдарына табыстаған.
Ал кеше бұл қатарға тағы бір борышкер қосылды.
- Өскемен қалалық соты өткен жылы қазан айында бұл азаматқа үкім шығарып, табысының төрттен бір бөлігін алиментке төлеуге міндеттеген. Алайда соттың үкіміне бағынбаған борышкер 1,2 млн теңге берешек болған, - дейді ШҚО ІІД баспасөз қызметі.
