Бөтелкелесін өлтіріп, дене мүшелерін пакеттерге бөліп тастаған

Екі таныс Бажов көшесіндегі құрбыларының пәтерінде ішімдік ішкен. Артынша екеуінің арасында жанжал шығып, біреуі екіншісіне бірнеше рет асхана пышағымен соққы жасаған.

Азамат тыныс алмай қалғанда досы мәйітті жуынатын бөлмеге апарып, бірнеше бөлікке бөліп тастаған. Бөліктерді қоқыс пакетіне салып, төсек жаймаларымен орап, үйге жақын маңдағы қоқысқа тастай салған. Дене бөліктері келесі күні қалалық қоқыс үйіндісінен табылған.

Полиция қызметі мәйіттің аты-жөнін бірден анықтап, туған туыстарына хабарлады. Артынша қылмыскер мен қылмыс куәгері болған пәтер иесінің де ізі анықталды. 51 жастағы пәтер иесі қылмыс жайлы тіс жармаған. Сондықтан да №2 Өскемен қалалық соты оны төрт жылға бас бостандығынан айырды.

Ал істің өзі ШҚО Арнайы мамандандырылған қылмыстық сотында қаралды. Бірақ артынша белгілі болғандай ШҚО аппеляциялық сот коллегиясының жоғары инстанциясында шешімге шағым жасалған. Қылмыстық оқиғаның бүге-шігесі жарияланбады.