Лондон мұғалімі балаларды "өлім жасағына" шақырған

Лондон полициясының контртеррористік бөлімінің басшысы Дин Хейдон 20 жастағы ислам мектебінің мұғалімі Умар Хейктің өз оқушыларын терракт жасауға шақырғанын мәлімдеді.

Қылмыстық үгітті жүзден аса бала естіген.

- Ол бүкіл Лондон бойынша көптеген террористік шабуылдарға көмектесу үшін балалар армиясын құруды жоспарлаған, - дейді Хейдон.

Хейкке қарсы алты бала айғақ берді. Олардың айтуынша, мұғалімдері кәмелет жасқа толмаған балаларға адамның басы шабылған бейнелер көрсетіп, британ астанасы мен ондағы тәртіп сақшыларына шабуыл жасаудың мысалдарын келтірген.

Ұсталған экстремисті Олд-Бейли соты кінәлі деп тапты. Онымен бірге, 19 жастағы Абутахер Мамун мен 27 жастағы Мухаммед Абид жазаға тартылды.

Полицияның пайымдауынша, радикалдар сауда орталықтарын, банктерді, телерадиожариялау станциялары, Биг-Бен мұнарасын және Хитроу әуежайын нысанаға алған.