Оқиғалар Алматыда қызды қағып кеткен мас жүргізуші төрт жарым жылға сотталды
Оқиға былтыр жазда Шаляпин көшесінің бойында болған. Қызды қағып кеткен жігіт оқиға орнынан қашып, тағы бір жол апатына ұшыраған, сол кезде ұсталған
29 жастағы мас жүргізуші көліктің жылдамдығын 100 км/сағатқа дейін арттырып, жолдың бөлу жолағында тұрған қызды қағып кеткен, деп хабарлайды zakon.kz.
Кейін оқиға орнынан қашып, бағдаршамда тұрған Toyota Previa көлігіне келіп соғылған.
Күдікті сот залында тұрып, өз күнәсін мойындаған. Алайда қыздың ата-анасы күдіктінің кешірмей, оған жаза кесуді өтінген. Әрі 3 млн теңге материалдық шығынды, 25 млн теңге моральді шығынды өтеуді талап етіп отыр.
Судья айыптыны 4,5 жыл бас бостандығынан айыру жазасына кесті. Әрі 7 млн теңге өтемақы төлеу міндеттелді.
