Оқиғалар Өскемен қаласының тұрғыны ОҚО әкімдерін алдаған
25 жастағы азамат бұрынғы футболшы істі болған. Енді, міне, қайтадан алаяқтық үшін айыпталуда
Ол Оңтүстік Қазақстанның аудан әкімдерін алдып, бір миллион теңгедей қаражат алған, деп "Қазақпарат" сайты хабарлайды.
25 жастағы өскемендік мемлекеттік сайттарды және ашық ақпарат көздерін пайдалана отырып, әкімдердің жай ғана есімдерін танып қана қоймай, әр ауданның өзекті әлеуметтік мәселелерімен танысып, ақпарат жинаған. Осыдан кейін ол әкімдікке барып, өзін ОҚО әкімдігінің қызметкері ретінде таныстырған. Алты ауданның басшылары оған қайырымдылық мақсатта белгілі сома көлемінде қаржы бөлген.
Нәтижесінде алаяқ миллион теңге көлемінде қаржы жинап алған. Тек соңғы әкім ғана оның облыс әкімдігінде жұмыс істейтіндігін анықтау мақсатында әкімдікке коңырау шалған. Соның арқасында күдікті дәл сол күні ұсталды.
Сот отырысы аптаның соңында өтеді.
