Оқиғалар Германияда белгісіз адамдар 44 тонна шоколадты ұрлап кетті
Фрайбург-им-Брайсгау қаласында құны 400 мың еуро болатын шоколад тасымалдаушылардың жүк көліктерін белгісіз адамдар алып кетті
Оқиға 28 қаңтар күні орын алған, деп хабарлайды РИА Новости сайты. Шоколад тиелген екі жүк көлігі өнеркәсіп зонасындағы тұрақта тұрған.
Полиция қызметкерлері фургондардың бірін өнеркәсіп аймағына жақын маңнан анықтаған, жүкке ешкім қол тигізбеген. Екінші жүк көлігі Лар қаласының маңынан табылды – қаскүнемдер барлық тауарды тиеп, іздерін суытып үлгерген. Шығын 200 мың еуроға (80 миллион теңге) бағалануда. Полиция болған оқиғаны тергеу үстінде.
