Досына 600 млн теңге қарыз болған алматылық, өз мәселесін күшпен шешпек болған

Сот бекіткендей, сотталушы 2007-13 жылдар аралығында досы А-дан 582 576 099 теңге қарыз алған, деп хабарлайды zakon.kz. 2017 жылдың басында азамат А зауыт сатып алып, кейін ақшадан қысыла бастаған. Осыдан кейін танысынан ақшаны қайтаруды сұрайды. Ақшаны қайтарудың орнына азамат И. Бірнеше адамды жалдап азамат А-ны адам аяғы баспаған жерге алып келіп, қарызын кешіруді талап етіп, соққыға жығады. Мұнымен қоса мойнындағы алтын алқасын, екі iPhone 6 смартфонын, алтын жүзік пен 1 387 434 теңге ақшасын тартып алады. Жалпы материалдық шығын 3 миллион теңгені құрады. Ауруханада көзін ашқан азамат А. Бірден полицияға арыз жазады. Тергеу барысында сотталушы өз қылмысын мойындамай, азамат А-ны соққыға жықпағанын айтқан. Алайда сот керісінше шешім қабылдады. Нәтижесінде сотталушы 9 жылға бас бостандығынан айрылып, мүлкі тәркіленетін болды.