Оқиғалар Данияда есірткі сатушы такси көлігін шатыстырып, полицияның көлігіне отырып кеткен
Копенгаген қаласында есірткі сатумен айналысатын ірі саудагерлердің бірі жолда такси көлігін тоқтатамын деп, патрульдік полиция көлігіне қол көтерген
Бұл жайында жергілікті полиция хабарлап отыр.
- Кеше есірткі сатумен айналысатын ірі дилерлердің бірі үйіне қайтпақ болып, асығыс таксиге отырған. Ал оның қолында кендір шөп болған. Алайда күдікті таксиге емес, полиция көлігіне отырып алғанын біраздан кейін бір-ақ білген, - деп жазады полицейлер Твиттер желісінде.
Күдікті ұсталған. Енді ол түрмеге қамалады.
