Алматыда өзін полиция қызметкері ретінде таныстырған алаяқ әйелді миллион теңгеге алдап кетті

Ер адам әлеуметтік желіде полиция қызметкері ретінде қызбен танысып, ауырып жатқан анасы туралы, оған қымбат ем керектігі туралы оқиға айтып берген. - Қыздың сеніміне кіріп алған жігіт, 1 миллион 86 мың теңге көлемінде қаражатты алаяқтық жолмен алып кеткен. Кейін арыз берушінің айтуынша, хабарына жауап бермей қойған, - дейді хабарландыруда. Тергеу алды жұмыстары барысында күдіктінің кім екені анықталған. Әлеуметтік желіде көрсетілген анкета деректері де жалған болып шыққан. Ол ішкі істер және басқа да органдардың қатарында болмаған, деп хабарлайды баспасөз қызметі. Қазіргі уақытта ер адам қамауда. Ол өзінің қылмысын мойындап, ақшаны өз қажеттілігіне жұмсап үлгергенін айтқан. Оған қатысты республика Қылмыстық кодексінің 199 бабы бойынша қылмыстық іс ашылды.