Оқиғалар Қазақстандық шекарашылар Дағыстан брокеньерлерін құрықтады
Теңіз сақшылары Ресейдің Дағыстан аймағынан келіп Каспий теңізінде заңсыз балық аулаған браконьерлерді құрықтады.
Сұғанақ балықшылар тегі құнды, сирек кездесетін балықтарды аулап, екі итбалықты ұстап алған. Атап айтқанда, 100 дана бекіре, салмағы бір центнер болатын ақсерке табылған. Одан бөлек, бір жарым мөшек құрал-саймандары да жасырын жатқан.
Қазақстан шекара қызметінің сарбаздары теңізде белгісіз бір қайықтың жүзіп жүргенін аңғарады. Кейін оларды тоқтау туралы дабыл қағылғанымен, олар тоқтамаған. Тек ескертпе оқ атылған кезде ғана тоқтаған. Ал қайықтың ішінде 4 ресейлік азаматтың жасырынбақ болғаны анықталған.
