Рудный қаласының уақытша ұстау изоляторының қызметкері өзіне қол жұмсады

Рудный қаласының ІІБ УҰИ 24 жасар конвоиры табельдік қарумен өз-өзіне қол салды.

Алдын-ала болжам бойынша, ол қызымен ұрсысуына байланысты өз-өзіне қол салған. Бұл туралы Қостанай облыстық прокуратурасы хабарлады.

Бақылаушы органның ақпаратынша, конвоирдың денесі пәтерінен табылған.

Аталған факті бойынша Қылмыстық кодекстің «Өз-өзіне қол салуға итермелеу» бабы бойынша соталды тергеу жұмыстары басталды.