Оқиғалар Шымкентте ақша бопсалаған шенеунік ұсталды
Оңтүстік Қазақстан облысында Жұмыспен қамту және әлеуметтік бағдарламаларды үйлестіру басқармасының басшысы мен екі аудандық бөлімнің басшылары жемқорлықпен айналысты деп айыпталып отыр
Ұлттық жемқорлыққа қарсы іс-қимыл бюросы таратқан ақпарат бойынша, С.Полатов, М.Қарақұлов және А.Махатай кәсіпкерлікті дамытудың 2017-2021 жылдарға арналған бағдарламасынан ақша қымқырды деп айыпталып отыр.
Жемқорлық әрекет бір жыл бойы созылған. Бопсаланған қаражаттың 20-30%-ы басшының қалтасына кетіп отырған. Әрбір келісімшарттан бұл басшылар 3-20 млн теңгенің айналасында пайда көргенге ұқсайды.
- 15 қыркүйек күні 6,4 млн теңге ақша алып жатқан жерінен С.Полатов, М.Қарақұлов және А.Махатай қатар ұсталған, - деп хабарлайды ведомстваның баспасөз қызметі.