Оқиғалар АҚШ-та полицейлер студентті атып тастады
Американың Джорджия штатында полицейлер 21 жастағы студент Скаут Шульцті суық қаруды тастаудан бас тартқаннан кейін атып тастаған
Хабарланғандай, Атланта қаласының полициясына Джорджия технологиялық инстутында қарулы азаматтың жүргендігі жайынжа хабар түскен. Оқиға орнына жедел түрде жеткен полицейлер қолында пышағы бар студентті анықтаған.
Құқық қорғау органдарының қызметкерлері пышақты жерге тастауды талап еткен. Алайда Шульц полицейлерге қарсы жүгірген. Бірнеше ескертулерден кейін полиция студентке оқ атқан.
Шульц ауруханада қайтыс болған. Штаттың тергеу бюросы орын алған оқиға бойынша тексеру жүргізеді.
Естеріңізге сала кетейік, бұған дейін АҚШ полицейлері пневматикалық тапаншамен сес көрсеткен оқушыны да атып тастағандығы хабарланған болатын.
