Оқиғалар Шаханда құлаған үйдің басқарушысы салғырттығы үшін шартты жазаға тартылды
Қарағанды облысы Шахтинск қаласының соты Шахан ауылындағы жылыту пешінің жарылысы ісіне қатысты тағы бір айыпталушыға үкім шығарды
Шахан ауылындағы үй басқарушысы Мұрат Сүлейменов Қылмыстық кодекстің 306-бабы, 3-тармағы бойынша кінәлі деп танылды.
Сот баспасөз қызметінің хабарлауынша, ол 4 жылға бас бостандығынан айырылған. 63-бап негізінде тағылған жаза пробациялық бақылау орнату арқылы бас бостандығынан айыру мерзімі көрсетілген уақытқа дейін шартты деп танылады.
- 2014 жылы тұрғындардың жалпы жиналысында М. Сүлейменов үй басқарушысы ретінде тағайындалды. Жергілікті тұрғындар жылумен қамту сұрақтары бойынша ауызша келісімге келген. Үй басқарушысы болып тағайындалған соң М. Сүлейменов жаңа дербес жылыту жүйесін сатып алып, орнату ісімен айналысқан, - дейді баспасөз қызметі жариялаған хабарландыруда.
2014 жылдың қазан айында жылыту пеші дайындалды. Оның мықтылығы мен саңылаусыздығы тексерістен өтпеген.
