Оқиғалар Петропавлда Ұлттық ұланның Әскери институтында курсант пышақталды
Петропавлдағы ҚР Ұлттық ұланы Әскери институтының курсантын өлтіру бойынша соталды тергеу жұмыстары басталды
Екі әскери қызметкер арасында туындаған ТЖ-ға өзара қақтығыс себепші болған. Күдіктінің есімі тергеу мүддесі үшін жарияланбауда.
Қаза тапқан курсант 19 жаста болды. Ол Оңтүстік Қазақстан облысы Сарыағаш қалалық қорғаныс ісі бойынша шақырылған. Ұлттық ұланда 2015 жылдың 3 тамызынан қызметте болды.
19 жасар институт курсанты күдікті деп танылып, Петропавл қалалық уақытша ұстау изоляторына қамалды. Басталған соталды тергеу жұмысының материалдары әскери-тергек басқармасына жіберілді, - дейді СҚО ІІД баспасөз-қызметі.
ҚР Ұлттық ұлан баспасөз қызметі хабарлағандай, 7 қыркүйек күні 14.45-те Әскери институт лазаретіне 3 курс курсанты қатардағы Ғалымжан Тұрсын жарақатпен түсті.
Медициналық қызметкерлер және жедел жәрдемнің екі бригадасы күшімен жан-жақты медициналық көмек көрсетілді. Алайда 15.45 шамасында курсанттың өлімі тіркелді, - дейді баспасөз қызметі.