Оқиғалар ИМ Ирандағы шабуылға жауапкершілік алды
«Ислам мемлекеті» (Қазақстанда тыйым салынған) лаңкестері Тегерандағы Иран парламенті мен кесенеге жасалған қарулы шабуылға жауапкершілік алды, деп хабарлайды Fars агенттігі.
Агенттік деректері бойынша, екі шабуылдан 13 адам зардап шеккен – сегіз адам парламент мекемесіндегі шабуылдан, бесеуі – Хомейни кесенесінде. Ал парламенттегі бір адам қаза тапты.
Tasnim басылымы имам Хомейни кесенесіне шабуыл жасаған адамның өзін жарып жібергені туралы жазады. Алдын ала деректер бойынша, ол жанкешті әйел болған.
Сол аралықта Press TV кесенеге шабуыл жасаған адамның цианид қабылдап өз өзіне қол салғанын хабарлаған.
Куәгерлер шабуыл жасағандардың «не үшеу, не төртеу» болғанын айтады.