Оқиғалар Алматыда ірі қылмыстық топ құрықталды
ҚР ҰҚК қылмыстық топтың қатарында Алматы қаласы Әуезов ауданы ІІБ басшысының болғандығын айтты
2017 жылы 30 мамыр күні ҚР ҰҚК Ішкі істер министрлігімен біресе отырып Алматы қаласында ірі операция ұйымдастырып, Қытай мен Қазақстан шекарасында контрабандамен айналысқан бопсалаушы қылмыстық топты құрықтаған. Бұл қылмыстық топ бопсалаумен қатар, адам өлтірумен, ұрлаумен, өзге де заңсыз тауар айналым әрекеттерімен айналысқан.
Арнайы бөлімшелерді іске қосу арқылы қылмыстық әлемде «Әділ Қытай» есімімен танымал А.Зайнаудин де ұсталған. Ұсталған 16 адамның ішінде Алматы қаласы Әуезов ауданы ІІБ басшысы Б.Қасабеков болған.
Қылмыскерлер ұсталған мекенжайдың айналасы тексеріліп, қару-жарақтар табылған.