Оқиғалар Өскемендік азамат біреудің ғимаратын сатып жіберген
Айлакер азамат сатып алушыларға өзін Соградағы құрылысы аяқталмаған ғимараттың иесімін деп таныстырған
33 жасар азаматтың Согринская көшесіндегі күзетілмейтін ғимаратты 2015 жылдан бастап назарға алып жүрген. Ол өзгенің мүлкін бөлшектеп сатпақ болып, сатып алушыларды іздестірген.
Клиентті ғаламтор арқылы тапқан. Келісімді орында шешіп, бір жарым миллион деп бағасына да келіскен.
Сатып алушының ойында ештеңе жоқ, жұмысшыларды ертіп келіп, құрылыс материалдарын өз базасына көшіріп алған. Тіпті, сатқан азаматтан оның аталмыш ғимаратқа құқығын растайтын ешқандай құжатты да талап етпеген.
Полиция қызметкерлері алаяқтың ізіне түсіп, аз уақытта қолға түсірген. Құрылыс материалдар меншікті иесіне қайтарылды.
Өскемен қаласының №2 соты алаяққа бес жылға жалпы режімдегі колонияда бас бостандығынан айыру туралы жаза кесті. Сонымен қатар, мүлкі де тәркіленді.