Алматы метросындағы бомба туралы хабарлаған азамат табылды

Ішкі істер органдарының, Алматы және Алматы облысының арнайы қызметтерінің бірлескен жұмыстары нәтижесінде Алматы метрополитеніне «жарылғыш затты» орнатқан анонимді тұлға анықталды, деп хабарлады қалалық ІІД баспасөз қызметі.
Сейсенбі күні таратылған ақпаратқа сәйкес, Сарқанд қаласынан қоңырау шалған жасөспірім «бұзақылық әрекетінің салдарынан қылмыс жасағанын» айтады.

- Соталды тергеу амалдарды барысында аталмыш істегі террористік әрекет туралы жалған ақпаратты таратушының жауапкергілігі анықталды, - делінген ақпаратта.

Өткен дүйсенбіде полиция қызметіне Алматы метрополитеніне бомба қойылғандығы туралы анонимді ақпарат түседі. Пойыздардың қозғалысы тоқтатылып, барлық станциялардағы жолаушылар эвакуацияланды. Ал тәртіп сақшылары сол аралықты қоңырау шалған адамды іздестіре бастады. Кейін сағат 22.50 шамасында жарылғыщ зат табылмағандықтан барлығы қайта іске қосылды.

 Алматы метрополитені 2011 жылдың 1 желтоқсанында іске қосылды. Бүгінгі таңда жерастында тоғыз станция жұмыс істеп тұр. Метрополитен сағат 06.20-дан 23.30-ға дейін жұмыс істейді.

 Қазақстанның ең ірі қаласы Алматыда шамамен 1,7 млн адам тұрады. Жерасты қозғалысты тәулігіне45 мың адам пайдалануда.