Оқиғалар Астраханда белгісіз біреулер ЖПҚ қызметкерлерін атып кеткен (18+)
Астрахан облысының Тергеу басқармасымен полиция қызмеркерлерінің өміріне қол сұғушылық фактісі бойынша қылмыстық іс қозғалды
Мекеме ақпаратына сәйкес, 4 сәуір күні шамамен 00.27-де мемлекеттік автобақылауға Ленин ауданы Автозаправочный көшесінде «Газель» мен Nissan March көліктерінің соқтығысып қалғандығы туралы хабарлама келіп түскен.
ЖКО орнына ЖПҚ Жеке батальонының №1 автопатрулі жіберіледі. Жол-көлік оқиғасын ресімдеу кезінде инспекторлар шағын автобустағы апатқа қатысушылар тарапынан шабуылға ұшыраған.
Қылмыскерлер полиция қызметкерлеріне бірнеше оқ жаудырғаннан кейін олардың табельдік қаруларын алып, оқиға орнынан іздерін суытқан.
Алған жарақаттарынан ЖҚҚМИ қызметкерлері жедел-жәрдем келгенге дейін оқиға орнында көз жұмды.
Оқиға орнына келген полиция қызметкерлері қаза болған өздерінің әріптестерінің қолынан шабуыл жасаушылардың бірінің жүргізу куәлігін тауып алған. Жүргізу куәлігі 26 жастағы Астрахан тұрғыны С. Нурболовқа тиесілі.